أوسمة المشاركات ‘ريادة أعمال’

أكتوبر 29 2012

التسويق ببساطة (٢) الشركة و إستراتيجية التسويق

التخطيط الإستراتيجي

التخطيط الإستراتيجي

فى الحلقة الثانية من سلسلة التسويق ببساطة هاندخل في تفاصيل أكتر عن التخطيط و وضع الإستراتيجيات التسويقية و يمكنك قراءة الحلقة الأولى من هنا لو لم تكن قد قرأتها…

ما هو التخطيط الإستراتيجي (Strategic Planning):

هو العملية التي يتم فيها تطوير إستراتيجية تلائم ما بين أهداف و إمكانات شركتك و فرصها التسويقية المتغيرة. طيب و دا بنعملة إزاي؟ بنبدأ بتحديد مهمة الشركة (Company Mission) ثم وضع الأهداف و الغايات (Goals & Objectives) ثم تصميم محفظة الأعمال (Business Portfolio) و أخيرا وضع خطة التسويق و الخطط الخاصة بالوظائف الأخري بالشركة

الكلام شكله معقد بس ماتقلقش… كمل قراءة و هاتفهمه كويس إن شاء الله 🙂

إقرأ المزيد...

أغسطس 11 2012

التسويق ببساطة (١)

التسويق مثل جبل الجليد

التسويق مثل جبل الجليد

بما إن أغلب الناس اللي باقابلهم فاهمين معني “التسويق” بشكل غير صحيح فكرت أكتب كام مقالة توضح مبادئ التسويق الضروري أن يعرفها صاحب أي مشروع صغير أو موظف في هذا المجال ببساطة. يمكن في الأول هانحتاج نقرا شوية تعريفات بس هي مهمة جدا علشان كل اللي جاي مبني عليها.

طيب إيه هو التسويق: التسويق يعني البحث عن إحتياجات العملاء و العمل علي تلبيتها مقابل ربح.

و دا طبعا علي عكس الفكرة الشائعة إن التسويق هو بيع المنتجات. مهم جدا نعرف إن عملية البيع دي جزء بسيط من عملية التسويق، فلو شبهنا عملية التسويق بالجبل الجليدي فعملية البيع لا تمثل إلا قمته الظاهرة من فوق سطح البحر.

طيب إيه هي خطوات عملية التسويق الناجحة؟

إقرأ المزيد...

يوليو 14 2012

عودة المدير

فاكرني حضرتك؟

عارف إن مافيش حد هايكون فاكرني… معذورين.. عدي أربع سنين و المدونة مغلقة، لو حبيت تفتكر راجع المدونات القديمة… يمكن تكون عدت عليك قبل كدة.

إيه اللي حصل؟

توقف عن التدوين من زماان لضغوط العمل و خلال الأربع سنين طبعا حصل تطورات كتير في حياتي العملية، بس طول الوقت كان نفسي ارجع ادون.

القرار..

بعد تفكير طويييل قررت العودة مرة أخري للتدوين… الحقيقة ماكنتش عايز أرجع إلا إذا كنت هاقدر ألتزم بالتدوين بشكل مستمر و إن شاء الله ربنا يقدرني علي كده.

البحث في الماضى

كان نفسي اراجع تدويناتي القديمة بس للأسف فقدت النسخة الإحتياطية الخاصة بالموقع القديم بكل محتويات المدونة القديمة و لكن شكرا لموقع archive.org فقد وجدت نسخة كاملة محفوظة هناك و إستعدت منها تدويناتي السابقة.

اللي جاي

لسة مقتنع أن أفضل حل لإقتصاد بلدنا هوالمشروعات الصغيرة التي يبدأها الشباب المبادر و الذي يكافح من أجد إيجاد المعلومة أو النصيحة و خاصة لقلة هذا النوع من المحتوي باللغة العربية علي الإنترنت (مع تقديري لجهود من سبقوني و أتعلم منهم مثل مدونة رءوف شبايك و زاجل ) لذلك ففكرت أن أقدم أضافة صغيرة لهذا المحتوي و خاصة ما يتعلق بريادة الأعمال و الإدارة و التسويق مع بعضا من تطوير الذات. سوف تحتوي التدوينات القادمة علي محتوي متنوع ما بين آراء و تجارب شخصية، ملخصات كتب، ماقالات مترجمة إلخ.

لو عندك إقتراحات ماتترددش و إكتبها في تعليق و ماتنساش تتابعني 🙂

نوفمبر 23 2007

أيهما أسهل؟ تفتح بيزنس فى مصر وللا تفتح عكا؟! (٤- أول إقرار ضريبى)

زى كل مرة 🙂 إن لم تكن قرأت الحلقتين الأولى و الثانية و الثالثة يفضل قراءتهما أولاً لتتابع تسلسل الأحداث.

بدأت أدخل فى مرحلة من الإستقرار فى المكتب .. فالمحاسب قد أنهى الإجراءات من سجل تجارى و بطاقة ضريبية و التسجيل فى الغرفة التجارية و قد أتى موعد الإقرارات الضريبية فى شهر مارس 2006 و كثير من الناس نصحونى بأنه سهل و يمكننى أن أوفر تكاليف المحاسب و أكتبه و أقدمه بنفسى ( أخذ منى 250 جنيه لكتابته و تقديمه) و لكننى فضلت أن يقوم هو بهذه المهمة تجنبا للوقوع فى اى خطأ. و أحمد الله أننى أخذت هذا القرار….

إقرأ المزيد...

أكتوبر 21 2007

أيهما أسهل؟ تفتح بيزنس فى مصر وللا تفتح عكا؟! (3- الصندوق الإجتماعى)

 إن لم تكن قرأت الحلقتين الأولى و الثانية  يفضل قراءتهما أولاً.

الحقيقة إنى إستفدت من موضوع هيئة الإستثمار بأنى فتحت المكتب لمدة حوالى سنة بإستخدام أوراق هيئة لإستثمار بدون الخوف من بعبع الضرائب حيث أنه قيل لى أنه فى حالة رفض اللجنة إعطائى الإعفاء أو فى حالة قرارى إغلاق النشاط لن احاسب ضريبياً على هذه الفترة فكانت فرصة جيدة لتجربة المكتب.

و بعد هذه السنة قررت أن ابدأ فى إجراءات إغلاق النشاط و كانت هيئة الإستثمار قد إنتقلت للمقر الجديد الشيييك الفخيييم فى صلاح سالم و كان من حظى أن إجراءات الغغلاق تمت هناك.. المقر الجديد غاية فى الفخامة … جميع الموظفين يرتدون يونيفورم رسمى محترم جدا … بس للأسف العقليات هى هى … شبابيك مافيش موظفين قاعديين قدامها و ناس بتنادى و بتزعق و محدش فاهم حاجة…

إقرأ المزيد...

تابع المدير

 تابع خلاصات المدير

 

 

Google+المدير

أقرأ حاليا..

المدير على بريدك

أدخل بريدك الإلكترونى لتصلك التدوينات الجديدة

Delivered by FeedBurner